На Македонскиот енергетски форум – МЕФ 2024 Симон Шутиноски, управител на МЕМО ја модерираше панел сесијата посветена на трендовите и предизвиците кои се појавуваат со растот на инвестициите од обновливи извори на енергија и важноста од воведување напредни системи за управување.
Говорниците дискутираа за можностите за тргување со електрична енергија и важноста од воведување нови сегменти на тргување согласно европските трендови.
МЕМО одигра важна улога со воспоставувањето на берзата на електрична енергија којa веќе една година го гарантира организираното тргување со електрична енергија. Со воведувањето на берзата на електрична енергија се зголемија можностите кои ги нуди пазарот на електрична енергија во земјата преку транспаретни и сигурни механизми за тргување по референтни цени, со што конечно можеме да кажеме дека Северна Македонија има своја референтна цена на електричната енергија.
Седмо издание на Македонскиот енергетски форум се одржа во Скопје, во организација на Делегацијата на Европската унија во државава и ЗИП Институтот, во партнерство со Фондации Отворено општество – Западен Балкан.
МЕФ е врвен настан во енергетската индустрија, кој ги обединува иноваторите и водечките експерти на дебати за најновите случувања во обновливите извори на енергија, енергетската ефикасност и одржливите практики.
