Делегација од Амбасадата на Соединетите Американски Држави, предводена од економскиот службеник Рајан Милер, денеска оствари работна посета на Националниот оператор на пазарот на електрична енергија – МЕМО ДООЕЛ Скопје.
На средбата, управителот на МЕМО, Зоран Ѓорѓиевски заедно со раководителот на одделот за обновливи извори на енергија и организиран пазар на електрична енергија Митко Огненоски, ги информираше претставниците на Амбасадата на САД за тековните активности и идните планови на МЕМО.
Особен акцент беше ставен на иницијативите за пазарно спојување со берзите на соседните земји и членките на Европската Унија, како и на стартот на издавање Гаранции за потекло на електрична енергија од овој месец.
Ѓорѓиевски објасни дека МЕМО интегрира повеќе функции поврзани со управувањето на билатералниот пазар на електрична енергија, интеграцијата на обновливите извори на енергија и работењето на Македонската берза на електрична енергија, која успешно функционира од 2023 година.
На средбата, Милер и Јордан Дамчевски виш економист во Амбасадата на САД, изразија задоволство од нивото на долгогодишна соработка помеѓу МЕМО и Амбасадата на САД во Скопје. Оваа соработка се реализира преку заеднички активности насочени кон модернизација и развој во различни општествено-економски сектори
